| خالد احمد | اے لب گرفتگی، وہ سمجھتے ہیں پیاس iiہے
یہ خستگی تو اہلِ رضا کا لباس iiہے
اے تشنگی، یہ حُسنِ محبت کے رنگ iiہیں
اے چشمِ نم، یہ قافلۂ اہلِ یاس iiہے
یہ عشق ہے کہ وسعتِ آفاقِ iiکربلا
یہ عقل ہے کہ گوشۂ دشتِ قیاس iiہے
سایہ ہے سر پہ چادرِ صبر و صلوٰۃ iiکا
بادل کی آرزو ہے نہ بارش کی آس iiہے
سوئے دمشق صبر کا سکہ رواں iiہوا
اک رخ پہ ہے خراش تو اک رخ پہ لاس ہے
اے زینِ عابدین، امامِ iiشکستگاں
زنجیر زن ہواؤں میں کس خوں کی باس iiہے
اے سر بلند و سر بہ فلک اہلِ دین و iiدل
مدفون کربلا میں ہماری اساس iiہے
تاجِ سرِ نیاز کا ہالہ ہے iiرفتگی
آہِ امامِ دل زدگاں آس پاس iiہے
ممکن ہے کسطرح وہ ہماری خبر نہ iiلیں
ہر سانس، تارِ پیرہنِ التماس iiہے
خالد شکست و فتح کے معنی بدل iiگئے
بازارِ شام ہے کہ شبِ التباس iiہے |
| |
کوئی تبصرے نہیں:
ایک تبصرہ شائع کریں